స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియల్ బుధవారం నాటి ఎపిసోడ్ -357 లో.... దీప ఇంటి దగ్గర సిచువేషన్ ఎలా ఉందో కనుక్కోమని పారిజాతాన్ని పంపిస్తుంది జ్యోత్స్న. పారిజాతం చెత్త వేరుకునే గెటప్ లో దీప ఇంటికి వస్తుంది. తనని చూసి ఏంటి ఏం కావాలని అనసూయ అడుగుతుంది. హమ్మయ్య గుర్తు పట్టలేదని పారిజాతం అనుకుంటుంది. నీ వాయిస్ ఎక్కడో విన్నానని అనసూయ అనగానే ఎవరి వాయిస్ అమ్మ అని పారిజాతం అడుగుతుంది . ఒకావిడ అంటు పారిజాతాన్ని అనసూయ తిడుతుంది.

 అప్పుడే దాస్, కాశీ, స్వప్న ఇంటికి వస్తారు. పారిజాతం వాళ్ళని చూసి టెన్షన్ పడుతుంది. వాళ్ళు లోపలికి వెళ్లి దీపని పరామర్శిస్తారు. అసలు ఇంటికి వచ్చి పొడిచే అంత దైర్యం ఉందంటే వాడిని వదులొద్దని దాస్ అంటాడు. దాస్ గతం గుర్తుకు వచ్చినట్లు మాట్లాడుతుంటే అన్నయ్య మిమ్మల్ని కొట్టింది ఎవరు అని కాంచన వాళ్ళు అడుగుతారు. ఎవరంటే అని దాస్ చెప్పబోతుంటే కార్తీక్ తన భుజంపై చెయ్ వేసి ఆపుతాడు. మళ్ళీ గతం మర్చిపోయినట్లు యాక్టింగ్ చేస్తాడు. అదంతా పారిజాతం ఫోన్ లో రికార్డు చేస్తుంది. ఆ తర్వాత దాస్ ని కార్తీక్ బయటకు తీసుకొని వచ్చి.. మావయ్య మీరు ఇప్పుడే నిజం చెప్పకండి కొన్ని రోజులు ఇలా యాక్టింగ్ చెయ్యండి అని చెపుతాడు. అప్పుడే కాశీ వస్తాడు. విన్నాడేమోనని ఇద్దరు అనుకుంటారు కానీ కాశీ వాళ్ళ మాటలు వినలేదు.

ఆ తర్వాత జ్యోత్స్న దగ్గరికి పారిజాతం వెళ్లి.. ఫోన్ లో రికార్డు చేసిన ఆ రికార్డు చూపిస్తుంది. అదంతా చూసి షాక్ అవుతుంది. అంటే దాస్ కి గతం గుర్తుకి వచ్చినట్లుంది బావకి ఏదైనా నిజం తెలిసినట్లుంది. అందుకే ఆ రోజు అలా మాట్లాడాడు అని జ్యోత్స్న అనుకుంటుంది. రేపు దాస్ ని మనమిద్దరం కలవాలని పారిజాతంతో జ్యోత్స్న అంటుంది. మరొకవైపు దీపకి టాబ్లెట్ ఇచ్చి కార్తీక్ మాట్లాడతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.